სამედიცინო პროცედურები

პროცედურა გამოიყენება შემდეგი ჩვენებების დროს: გასტრიტი, მომატებული და დაქვეითებული სეკრეტორული ფუნქცია, ქოლეცისტიტი, დუოდენიტი, ნაღვლის ბუშტის დისკინეზია, კოლიტები და ენტეროკოლიტები.

მკურნალობის შედეგად უმჯობესდება ნივთიერებათა ცვლა, საკვების ევაკუაცია კუჭიდან ნაწლავებში, ქრება თორმეტგოჯა ნაწლავისა და კუჭის ლორწოვანის ანთება,  ხდება ანთებითი პროცესების შედეგად დაზიანებული ლორწოვანი გარსის რეგენერაცია.

კუჭის გამორეცხვა – 35 ლარი
თორმეტგოჯა ნაწლავის გამორეცხვა  – 40 ლარი

პროცედურა გამოიყენება შემდეგი ჩვენებების დროს: ყაბზობა, დისბაქტერიოზი, ჭარბი წონა, დერმატიტები, პროსტატიტი-პოტენციის დაქვეითება, უშვილობა, ალერგიული რეაქციები.

პროცედურის შედეგად ნაწლავში ნორმალიზდება  ბაქტერიული ფლორა, რეგულარული და რბილი ხდება კუჭის მოქმედება, მცირდება მეტეორიზმი,  ნელდება ანთებითი პროცესი, უმჯობესდება შარდვა და პროსტატის ფუნქციონირება,  ქვეითდება წონა და სხვა.

პროცედურა გამოიყენება შემდეგი ჩვენებების დროს: პროქტიტები, კოლიტები და ყაბზობა.

მიკროკლიზმას ახასიათებს ანთების საწინააღმდეგო, სპაზმოლიზური ეფექტი.

პროცედურა გამოიყენება შემდეგი ჩვენებების დროს: ქრონიკული ენდომეტრიტი, ეროზიები, მენსტრუალური ციკლის დარღვევა, ამენორეა, ვაგინიტი და ვულვიტი.

პროცედურის შედეგად  ქრება ანთებითი პროცესი, აღდგება ლორწოვანი გარსი.

პროცედურა გამოიყენება შემდეგი ჩვენებების დროს: ძვალ-სახსართა სისტემის პათოლოგიები (ტკივილი სახსრებსა და კუნთებში), ხერხემლის დაზიანება ოსტეოქონდროზისა და რადიკულონევრიტის დროს, კლიმაქტერული სინდრომი, ნივთიერებათა ცვლის დარღვევა.

პროცედურის შედეგად უმჯობესდება სისხლის მიმოქცევა მთელ ორგანიზმში, აქტიურდება მეტაბოლიზმი, უმჯობესდება ტროფიკა, რაც, თავის მხრივ, იწვევს წონის ნორმალიზებას, მაგრდება სისხლძარღვების კედლები, აღდგება მათი ელასტიურობა, მცირდება ქსოვილების შეშუპება.

პროცედურა გამოიყენება შემდეგი ჩვენებების დროს:

გულის დაავადებები და სისხლის მიმოქცევის დარღვევა (გულის დაავადებები, კორონარული დაავადება, კარდიომიოპათია, პერიფერიული არტერიებისა და ვენების  დაავადებები და სხვა); ცენტრალური ნერვული სისტემების ანთება და დაავადებები; კუნთოვანი სისტემის დაავადებები (ქონდროპათია, ოსტეოპათია, რბილი ქსოვილების დაავადება); სასუნთქი ორგანოების დაავადებები (ბრონხიტი); გინეკოლოგიური დაავადებები; ჭარბი წონა; კანის დაავადებები და ანთებითი პროცესები; კლიმაქსი; შაქრიანი დიაბეტის იოლი ფორმა; ფარისებრი ჯირკვლის დარღვევები; საჭმლის მომნელებელი სისტემის დაავადებები (გასტრიტი, კოლიტი, ენტეროკოლიტი).

მინერალური აბაზანის დადებითი თვისებები გამოიხატება მინერალების კანზე მოქმედებით, მინერალები ასევე  კანის ფორების საშუალებით ორგანიზმშიც აღწევენ.

პროცედურა გამოიყენება შემდეგი ჩვენებების დროს: პოსტტრავმული ასთენიური   სინდრომი, კანის ელასტიურობის დაქვეითება, ქრონიკული დაღლილობა, სტრესი, უძილობა, ნივთიერებათა ცვლის დარღვევა, ძვალ-სახსართა სისტემის დაავადებები (ართრიტები, ართროზები). 

პროცედურის შედეგად კანი ივსება ჟანგბადით და ხდება უფრო მკვრივი. მცირდება ტკივილები სახსრებსა და წელის არეში, ძლიერდება ტოქსინებისა და შლაკების გამოდევნა ორგანიზმიდან.

პროცედურა გამოიყენება შემდეგი ჩვენებების დროს: ოსტეოქონდროზი, ნეიროდერმატიტი, ზედა სასუნთქი სისტემის დაავადებები, ჭარბი წონა.

წიწვოვანი აბაზანა მზადდება აბაზანაში წიწვის ექსტრაქტის დამატებით, რომელიც შეიცავს ორგანიზმისთვის სასარგებლო უამრავ ნივთიერებას. აბაზანას ახასიათებს ანტიბაქტერიული, შეხორცებითი, გამაჯანსაღებელი ეფექტი. ტყის მსუბუქ არომატს აქვს ასევე არომათერაპიის ეფექტი.

პროცედურის შედეგად ძლიერდება უჯრედების რეგენერაცია, ლიპიდების დაშლა და ტოქსინების გამოდევნის ეფექტი, კანის წყლის ბალანსის ნორმალიზაცია გვაძლევს ხილულ გამაჯანსაღებელ ეფექტს.

პროცედურა გამოიყენება შემდეგი ჩვენებების დროს: ნევროზი, ცენტრალური ნერვული სისტემის ფუნქციური დარღვევები, ვეგეტო-სისხლძარღვოვანი დისტონია, კლიმაქტერული სინდრომი, პროსტატიტი, პროსტატის ადენომა, უძილობა.

პროცედურის დადებითი შედეგი გამოიხატება სისხლის მიმოქცევის გაუმჯობესებაში, ტკივილის კუპირებაში. ლავანდის არომატი ამშვიდებს ნერვულ სისტემას.

ღვინოში შემავალი ბიოაქტიური ნივთიერებები ანტიოქსიდანტური ეფექტით გამოირჩევა. ორგანიზმიდან გამოიდევნება შლაკები და ტოქსინები.

აბაზანის მიღებით ძლიერდება იმუნიტეტი, იხსნება ნერვული და კუნთოვანი დაძაბულობა, მაგრდება სისხლძარღვთა კედელი, აქტიურდება სისხლის მიმოქცევა. აბაზანა კვებავს კანს, ამცირებს ცელულიტს, ანელებს დაბერების პროცესს. აქვს გამაახალგაზრდავებელი ეფექტი.

პროცედურა წარმოადგენს ვიტამინებით მდიდარი კოქტეილის აბაზანის მიღებას, რომელიც ატენიანებს და არბილებს კანს, აძლიერებს კანის ტურგორს, ხდის მას ელასტიურს და ასწორებს ნაოჭებს.

აბაზანა ღრმად წმენდს კანს, აფერმკრთალებს პიგმენტულ ლაქებს. ლიმონის გამოყენებით დამატებით ებრძვის ცელულიტს.

წყლის ჭავლის პროცედურა აძლიერებს ლიმფისა და სისხლის მიმოქცევას, ხსნის ქრონიკულ დაღლილობას, ხელს უწყობს ცელულიტთან ბრძოლას. შხაპის მიღებით ძლიერდება მეტაბოლიზმი  და მშვიდდება ნერვები.

პროცედურა  ლოკალური მოქმედების შხაპია. იგი ხშირად ინიშნება უროლოგიური, გინეკოლოგიური და პროქტოლოგიური დაავადებების დროს. შხაპი მოქმედებს მენჯის მცირე ღრუზე, ამაგრებს მცირე მენჯის კუნთოვან ქსოვილს. აქვს ანთების საწინააღმდეგო და გაუტკივარების  ეფექტი.

შხაპი რეკომენდებულია ქრონიკული პროსტატიტის, უშვილობის, ბუასილის, უნებლიე შარდვისა და სხვა პათოლოგიების დროს.

პროცედურა გამოიყენება შემდეგი ჩვენებების დროს: ძვალ-სახსართა სისტემის დაავადებები (ართრიტი, ოსტეოქონდროზი, რადიკულიტი), ათეროსკლეროზი, დერმატიტები, ჭარბი წონა, ცელულიტი.

ზღვის მარილში შემავალი ინგრედიენტები აქტიურად მოქმედებენ ნერვულ დაბოლოებებზე, რის შედეგადაც ძლიერდება ნივთიერებათა ცვლა და ორგანიზმი ივსება ზღვის მარილში შემავალი მიკროელემენტებით: ბრომი, რკინა, იოდი, სელენი, ცინი, მაგნიუმი.                

იოდითა და ბრომით გამდიდრებული  დამამშვიდებელი აბაზანების თერაპიული სარგებელი საკმაოდ დიდია. ეს იონები ღრმად აღწევენ კანში და უზრუნველყოფენ კანის გაუმჯობესებას, კუნთების დაძაბულობის მოხსნას, ინფექციების მიმართ მდგრადობას. აქვს ჭრილობების მყისიერი შეხორცების ეფექტი. რეგულარულ სესიებს შეუძლიათ გაგათავისუფლონ ისეთი პრობლემებისგან, როგორიცაა ღრძილებიდან სისხლდენა და ცუდი სუნი.

პირდაპირი კონტაქტის საშუალებით მინერალური წყლის იონები მაქსიმალურად ღრმად შედიან ღრძილების დაზიანებულ ნაწილებში და ეფექტურად კურნავენ მათ. მაგალითად, პარადონტოზის დროს. სისხლში მოხვედრის შემდეგ, წყლის იონები ვრცელდებიან მთელ ორგანიზმში, უზრუნველყოფენ ორგანიზმის პროფილაქტიკურ დაცვას, აქვთ ჭრილობების შეხორცების სწრაფი უნარი. ადამიანის ორგანიზმი ხდება უფრო მდგრადი ინფექციური დაავადებების მიმართ.

ამ ეფექტური პროცედურის სულ რამდენჯერმე გამეორება მოაგვარებს სისხლმდენი ღრძილების პრობლემას, პირის ღრუში გაქრება უსიამოვნო სუნიც.

ჩვენებები: ძვალ-სახსართა სისტემის დაავადებები, ზედა სასუნთქი სისტემის დაავადებები, გასტროენტეროლოგიური დაავადებები: გასტრიტი კოლიტი, ქოლეცისტიტი, შეხორცებითი დაავადებები, გინეკოლოგიური, უროლოგიური, დერმატოლოგიური დაავადებები. პარაფინოთერაპია - სითბური მეთოდით მკურნალობა. ღრმა სითბური მოქმედების შედეგად იმატებს სხეულის ტემპერატურა, კანი ხდება რბილი და გლუვი, იხსნება ფორები. აღნიშნული პროცედურა ახდენს რეგენერაციული პროცესების სტიმულირებას, ინფილტაციების გაწოვას, კუნთების მოდუნებასა  და უჯრედშიდა მეტაბოლიზმის გაძლიერებას.

პროცედურის ეფექტურობა ეფუძნება მინერალური წყლის თვისებებს: მინერალური წყალი შეიცავს უამრავ სასარგებლო ნივთიერებას, რომლებიც აორთქლების შედეგად სწრაფად აღწევენ ორგანიზმში. წარმოქმნილი ორთქლი მომენტალურად გადის ფილტვებს და ათხელებს ნახველს, აჩქარებს სხეულიდან მისი გამოდევნის პროცესს.